RECOLLIDA DE ALIMENTOS

Outro ano máis a agrupación de música tradicional Candaria colabora con nos coa recollida de alimentos para o noso Programa de Atención Urxente a persoas con especial necesidade do medio rural na súa VI Gala Aniversario que terá lugar no auditorio municipal de Verín o vindeiro venres 30 de decembro ás 20:30.

DÍA INTERNACIONAL DOS DEREITOS DA INFANCIA

Durante todo o ano o Centro de Desenvolvemento Rural Portas Abertas conmemora o 20 DE NOVEMBRO, DÍA INTERNACIONAL DOS DEREITOS DOS NENOS E NENAS, promovendo o seu benestar a través de distintas actividades...

Este día queremos que sirva para recordar que os nenos e nenas son o colectivo máis vulnerable e polo tanto o colectivo que máis sufre as crises e os problemas do mundo.

No ano 1959 aprobouse na Asemblea Xeral da ONU a Declaración dos Dereitos do Nen@. Esta declaración, que non tiña legalmente carácter vinculante, non era suficiente para protexer os dereitos da infancia. Tras dez anos de negociacións cos gobernos de todo o mundo, líderes relixiosos, ONG, e outras institucións, logrouse acordar o texto final da Convención sobre os Dereitos do Nen@, o 20 de novembro de 1989, cuio cumprimento é obligatorio para todos os países que o firmaron.

O IDIOMA, VEHÍCULO DE INTEGRACIÓN

 

Dende o pasado 15 de setembro e ata o 24 de novembro, con 40 horas de duración, o CDR Portas Abertas leva a cabo a actuación formativa "O idioma, vehículo de integración" enmarcada dentro do Programa Operativo do FSE Galicia 2014-2020, no seu obxectivo 9. "Promover a inclusión social e loitar contra a pobreza e calquera forma de discriminación" subvencionada pola Consellería de Política Social e o Fondo Social Europeo.

O obxectivo fundamental de esta actuación é o de promover o aprendizaxe da lingua española entre a poboación inmigrante como vehículo indispensable para a integración e participacion na vida social e laboral. 

CURSO TAPIZADO DE MOBILIARIO

O vindeiro día 3 de outubro dará comezo o curso "Tapizado de mobiliario" en Vilardevós, cun horario de 8:30h á 14:30h.

Esta a actuación formativa pretende que as persoas en situación ou risco de exclusión social melloren as súas competencias laborais para favoreer así a súa incoporación ó mercado de traballo; está cofinanciada pola Unión Europea no marco do Programa Operativo do FSE Galicia 2014-2020, no seu obxectivo 9. "Promover a inclusión social e loitar contra a pobreza e calquera forma de discriminación", cunha taxa de cofinaciamento do 80%.

IX LIMPEZA SIMULTÁNEA DE RÍOS EN GALICIA

O vindeiro 2 de outubro, participamos por carto ano consecutivo na IX Limpeza simultánea de Ríos en Galicia, "Móllate polos ríos" coa finalidade de concienciar á poboación da importacia dos nosos ecosistemas fluviais.

Buscamos implicación das persoas para participar desta xornada na que eliminaremos o lixo presente nun dos ríos da nosa Comarca, o río Fornos ou como o coñecen no pobo, o río Pequeno en Feces de Abaixo. Para este día poremos a disposición do voluntariado, guantes e botas, bolsas de lixo e unha camiseta do proxecto.

ANÍMATE A PARTICIPAR:

O domingo día 2 de outubro

Ás 10:45 na praza do concello para desprazarnos ata o río en coche. 

Apúntante nos teléfenos 988417232 ou 988989508 ou ben rural@cdrportasabertas.org

PROGRAMA DE VOLUNTARIADO XUVENIL

Dende o mes de maio vimos desenvolvemento o proxecto "Colaboramos coa Integración" destinado a participación de mozos e mozas de enre 16 a 30 anos como voluntarios no Centro de Desenvolvemento Rural Portas Abertas grazas a colaboración da Dirección Xeral de Xuventude, Participación e Voluntariado.

As actividades que levan a cabo teñen por finalidade posibilitar os procesos de integración social e laboral de persoas e colectivos en situación ou risco de exclusion social:

-Emerxencia social, fundamentalmente a través do seu apoio nas becas comedor que ofrecen unha comida completa o día a nenos e nenas con maiores dificultades, complementandose con actividades socioeducativas.

-Agricultura de autoconsumo: o apoio do voluntariado nas horas socias das que dispón a entidade para o uso de persoas con poucos recursos.

-Espazos de conciliación para os menores: en que nenos e nenas en situación de risco e exclusión, con maiores dificultades ou con necesidades específicas comparten experiencia con outros nencos e nenas facilitando este xeito as súa integración.

Dende aquí dar as grazas por a labor voluntaria dos seis moz@s que están a participar deste proxecto!

DESEÑANDO O TEU FUTURO

O longo de dez días mozos e mozas con idades comprendidas entre os 16 e 18 anos realizaron visitas-estadías en diversas empresas e entidades de Verín grazas ó Programa Deseñando o teu futuro da Dirección Xeral de Xuventude, Participación e Voluntariado que ten como finalidade facilitar o primeiro contacto coa realidade laboral a ez que contribuír a decisión sobre a traxectoria formativo e profesional da mocidade.

Ademais estas visitas complentáronse con diversas actividades: 

-"Somos habilidosos" charla informativo formativo inicial a través da cal mostrose os mozos e mozas a importancia de certas habilidades no mundo laboral: iniciativa, responsabilidade, traballo en equipo, etc.

-"Toda unha experiencia", actividade na que valoraron a experiencia vivida e coñeceron o xeito de solicitar un certificado a esta experiencia de Educación non formal a Dirección Xeral de Xuventude, Participación e Voluntariado.

- "Emprendemos?" A Fundación Ronsel achegouse ata as nosas instalación para impartir formación sobre emprendemento e autoemprego. 

Só, nos queda dar as grazas a todas as empresas e a cooporación local por colaborar co Centro de Desenvolvemento Rural Portas Abertas neste programa: Concello de Verín, Gardería O Castro, Escola Infantil Pinocho, Agrícola Maraner, Martínez Multimarca, Bicicletas Matías, O&M Xestión, Farmacia Santamarina, Veterinaria San Roque, Ordenadores Verín, Eurotenda, Bar Oasis, Vipeca Obras e Servizos S.L., Nutricionista Amalia Carrera Diéguez a través de Asubío Tenda e a Nutricionista María Garriga de Sbye en Farmarosa.